2018 йилнинг 9 октябрь куни Европа тикланиш ва тараққиёт банки вакилларидан иборат делегация Hamkorbank акциядорлик-тижорат банкининг бош офисига ташриф буюрди.
ЕТТБнинг Кичик ва ўрта бизнесни ривожлантириш ва молиялаштириш бўйича дастури раҳбари Надя Петкова бошчилигидаги делегация таркибида ЕТТБнинг Минтақавий ваколатхонаси раҳбари Нодира Мансурова ва ваколатхонанинг етакчи банк ходимлари Музаффар Ҳакимов ва Шерзод Акбаров ҳам иштирок қилди.
ЕТТБ ва Hamkorbank ўртасидаги учрашув мобайнида таваккалчиликларни тақсимлаш механизми воситалари орқали жамғарилувчи рискларда қатнашиш бўйича Келишув ҳамда Таваккалчиликларда жамғарилмайдиган иштирок бўйича Келишувлар имзоланди.
Имзоланган келишувларнинг умумий қиймати 15 миллион АҚШ долларини ташкил этади. Мазкур келишувлар ЕТТБ ва Hamkorbank ўртасида таваккалчиликларни тақсимлаш йўналишида янги босқични очиб беради.
Эслатиб ўтамиз, Hamkorbank АТБ ва ЕТТБ 16 йилдан буён ҳамкорлик қилиб келмоқда. Самарали ҳамкорлик давомида ЕТТБ бир неча бор Hamkorbank’ни Ўзбекистондаги етакчи ва фаол ҳамкор сифатида эътироф этган.
Реклама ҳуқуқи асосида
Изоҳ (0)