Тошкент ҳокимлиги «Ҳамид Олимжон» метро бекати яқинидаги йўлни очиш ишларини кейинга қолдирди, деб ёзади «Podrobno.uz».
Пойтахт маъмурияти вакили сўзларига кўра, лойиҳа вақтинчалик келаси йилга кўчирилган, ҳозир эса у ерда яшил ҳудуд яратилади. Йўл Ўзбекистон Банк-молия академиясининг боғ ҳудудидан ўтиши керак эди.
Эслатиб ўтамиз, сентябрь охирида Тошкентнинг Мирзо Улуғбек туманида Мовароуннаҳр ва Абдулла Қодирий кўчалари ўртасида автомобиллар ҳаракати учун йўл очилиши хабар берилган эди. Ҳокимлик ўшанда мазкур қарор шаҳар аҳолисининг кўп сонли мурожаатлари асосида қабул қилинганини қайд этган эди.
Изоҳ (0)