Бугун, 6 октябрь санасида Англия премьер лигасида 8-тур учрашувлари давом эттирилди.
Кеча турнинг дастлабки ўйинида «Брайтон» ўз майдонида учта ўйиндан бери мағлуб бўлмай келаётган «Вест Ҳэм»ни қабул қилиб, 25-дақиқада Глен Маррейнинг киритган голи сабаб уч очкони қўлга киритди.
Тур доирасида бугун 6 учрашув ўтказилди. Жумладан, «Тоттенҳэм» ўз уйида «Кардифф Сити»ни меҳмон қилиб, Эрик Дайернинг ягона голи эвазига ғалаба қозонди.
«Лестер» эса «Эвертон» билан кураш олиб бориб, 1:2 ҳисобида мағлуб бўлди.
«Кристал Пэлас» «Вулверҳэмптон»ни қабул қилиб, 0:1 ҳисобида мағлубиятга учради. «Уотфорд» ўз уйида «Борнмут»га 0:4 ҳисобида ютқазиб қўйди. «Бёрнли» эса «Ҳаддерсфилд» билан 1:1 ҳисобида дурангга рози бўлди.
Куннинг сўнгги ўйинида Жозе Моуриньо бошчилигидаги «Манчестер Юнайтед» ўз уйида Рафаэль Бенитес бошлиқ «Ньюкасл»ни қабул қилиб, иродали 3:2 ҳисобида ғалабага эришди. Учрашувдаги дастлабки 2 гол «Ньюкасл» футболчилар Кенеди ҳамда Муто томонидан киритилди. Бенитес шогирдлари биринчи бўлимни 0:2 ҳисобидаги ғалаба билан якунлади. Иккинчи бўлимнинг 70-дақиқасида Хуан Мата МЮнинг ўйиндаги биринчи голини урди. Орадан 6-дақиқа ўтиб Антони Марсьяль ҳисобни тенглаштирди. 90-дақиқада Алексис Санчес гол киритиб, жамоасига муҳим ғалабани тақдим этди.
Англия премьер лигаси
8-тур беллашувлари
5 октябрь, жума
«Брайтон»—«Вест Ҳэм» 1:0
Гол: 1:0—25 Глен Маррей.6 октябрь, шанба
Изоҳ (0)