Нидерландиялик олимлар юз миллионлаб европаликларда ақли пастлик, Паркинсон касаллиги ёки инсультни башорат қилди. Бу ҳақда «Корреспондент.net» хабар берди.
Олимлар томонидан ўтказилган тадқиқот маълумотларига кўра, европеоид ирқидаги ҳар иккинчи аёлда ва ҳар учинчи эркакда юқорида санаб ўтилган касалликлардан бири ривожланади.
25 йил давомида ўтказилган тадқиқотда 45 ёшдан катта бўлган 12 минг киши иштирок этган. Шу вақтда тажриба гуруҳидан 5291 киши вафот этган. Уларнинг 1489 нафарида ақли пастлик аниқланган. 1285 кишида эса инсульт кузатилган, 263 киши Паркинсон касаллиги билан оғриган.
Бу касалликлардан олдин юқори қон босими, баланд холестерин ва диабет кузатилган. Бунда аёллар кўпроқ ақли заифликка мойил бўлган, эркаклар эса нисбатан ёшроқ пайтда инсультга мойилликни кўрсатган.
Изоҳ (0)