А Серия. «Рома» «Лацио»ни мағлуб этди, Роналду 2 та голли узатма берган ўйинда «Ювентус» «Наполи»дан устун келди (видео)

Бугун, 29 сентябрь санасида футбол бўйича Италия А Сериясининг 7-тур баҳслари бошланди. Кун тақвимидан 3 учрашув олганди, улардан 2 таси ўз ниҳоясига етди.

Турни «Рома» ҳамда «Лацио» жамоалари ўртасидаги Рим дербиси очиб берди. Ўйинда «Рома» 3:1 ҳисобида ғалаба қозонди. Мезбонлар сафида Лоренцо Пеллегрини, Александр Коларов ҳамда Федерико Фасио гол урган бўлса, «Лацио»нинг ягона голи Чиро Иммобиле ҳисобига ёзилди.

Турнинг марказий ўйини эса Туринда кечди. Унда «Ювентус» Карло Анчелотти бошчилигидаги «Наполи»ни қабул қилиб, 3:1 ҳисобида ғалабага эришди. «Юве» таркибида Марио Манжукич дублга эришди, Леонардо Бонуччи эса ўз ҳисобига битта гол ёзиб қўйди. Криштиану Роналду эса 2 та голли узатмани амалга оширди. «Наполи»нинг голи Дрис Мертенс томонидан киритилди.