МДҲ давлат раҳбарлари музокараларни кенг доирада давом эттирди. Бу ҳақда Президент матбуот хизмати маълум қилди.
Унда турли соҳаларда минтақавий ҳамкорликни ривожлантириш масалалари, халқаро сиёсатнинг долзарб муаммолари юзасидан фикр алмашилди.
Мажлис якунида МДҲга аъзо мамлакатлар давлат раҳбарларининг Инсон ҳуқуқлари умумжаҳон декларацияси қабул қилинганининг 70 йиллиги муносабати билан баёноти, коинотни тадқиқ этиш ва тинч мақсадларда фойдаланиш соҳасида ҳамкорлик тўғрисида МДҲ конвенцияси, Улуғ Ватан урушида қозонилган Ғалабанинг 75 йиллигига тайёргарлик кўриш ва уни нишонлаш бўйича асосий тадбирлар режаси, 2019—2023 йилларга мўлжалланган жиноятчиликка қарши курашиш бўйича ҳамкорликдаги саъй-ҳаракатлар давлатлараро дастури, ахборот технологиялари соҳасидаги жиноятларга қарши курашиш бўйича ҳамкорлик тўғрисидаги битим, 2021 йилни МДҲда архитектура ва шаҳарсозлик йили деб эълон қилиш ҳақидаги келишув ва бошқа ҳужжатлар имзоланди.
2019 йилда МДҲга Туркманистон раислик қиладиган бўлди.
Изоҳ (0)