Жорий йилнинг ўтган даврида Мажбурий ижро бюроси Жиззах вилояти бошқармаси, унинг туман ва шаҳар бўлимлари томонидан 5 минг 800 дан ортиқ мурожаат қабул қилинди. Бу ҳақда ЎзА хабар берди.
Турли мурожаатлар бўйича жами ундирилган сумма 1 миллиард 193 минг сўмдан ортиқни ташкил этди.
Мурожаатлар таҳлил этилганда, уларнинг кўп қисми алимент, қарз, етказилган зарарни ундириш, электр энергияси, табиий газ ҳамда ичимлик суви юзасидан эканлиги маълум бўлди. Хусусан, алимент билан боғлиқ аризалар асосида 371 милион сўм ундирилиши таъминланган.
Вилоятдаги «Зангори Неъмат» масъулияти чекланган жамиятининг «Жиззах пахта таъминот сервис» масъулияти чекланган жамияти ҳисобидан 44 миллион 196 минг 700 сўмни ундириш ҳақидаги мурожаати МИБ Жиззах вилоят бошқармаси томонидан кўриб чиқилди. Ижро ҳаракатлари натижасида қарздорлик мурожаатчига тўлиқ ундириб берилди.
Изоҳ (0)