Филиппиннинг Себу провинциясида ер ўпирилиши натижасида ҳалок бўлганлар сони 29 кишига етди, деб ёзади «РИА Новости» полицияга таяниб.
Маҳаллий полиция бошлиғи Родерик Гонсалес маълум қилишича, ер кўчиши натижасида яна етти киши жабрланган. Қидирув-қутқарув операцияси давом этмоқда, тупроқ уюмлари остида яна одамлар бўлиши мумкин.
Аввалроқ 64 киши бедарак йўқолган деб эълон қилинган эди.
Ҳодиса Нага шаҳрида 20 сентябрь куни эрталаб юз берди. 25 га яқин уйларга зарар етди, бир неча ўн киши харобалар остида қолди. Полиция маълумотига кўра, ер ўпирилишларига кучли жала сабабчи бўлган.
Эслатиб ўтамиз, 14 сентябрь куни Филиппин шимоли-шарқий соҳилларига «Мангхут» тўфони ёпирилган эди.
Изоҳ (0)