Акциядорлик тижорат «Қишлоқ қурилиш банк» аҳолига қулайлик яратиш ва замонавий хизматлар кўламини кенгайтириш мақсадида Тошкент шаҳрида жойлашган «Миробод» деҳқон бозорига яқин ҳудудда 24/7 режимида, кеча-ю кундуз, ходимсиз узлуксиз хизмат кўрсатадиган ўз-ўзига хизмат кўрсатиш шохобчасини фойдаланишга топширди. Шохобча замонавий банк хизматларини кўрсатувчи банкоматлар, инфокиоск, инфомонитор ва «Интернет банкинг» хизматидан фойдаланувчи юридик шахслар, шу жумладан, якка тартибдаги тадбиркорларга хизмат кўрсатувчи клавиатурали инфокиоск қурилмалари билан жиҳозланган.
Банкоматлар орқали фуқаролар куннинг исталган вақтида сўм пластик карталаридаги маблағларни нақдлаштириши мумкин.
Инфокиосклар орқали тўловларни пластик карточкалардан ва нақд пулда қабул қилиш, пластик карточка ҳисоб варағи ҳаракати тўғрисида маълумот олиш, «SMS-хабарнома»хизматига уланиш имконияти мавжуд.
Шунингдек, инфокиосклар ёрдамида «Қишлоқ қурилиш банк»дан олинган кредитларнинг асосий ва фоиз қисмини қайтариш, турли коммунал тўловлар, уяли алоқа операторлари, шаҳар телефонлари, кабел телевидениеси, интернет хизмати учун тўловларни амалга ошириш мумкин.
Эндиликда «Қишлоқ қурилиш банк» мижози бўлган юридик шахслар, шу жумладан, якка тартибдаги тадбиркорлар банк филиалига бормасдан туриб, шохобчанинг ўзида – клавиатурали инфокиоск орқали Интернет банкинг хизматидан фойдаланиб, нақд пулсиз тўлов амалиётларини бажармоқдалар.
Инфо монитор фойдаланувчиларга банк хизматлари ҳақидаги энг сўнгги янгиликлар, тақдимотлар ва видео материаллар билан танишиш имконини беради.
Яна бир янгилик – яқин кунларда шохобчада автоматлаштирилган, валюта айирбошлаш имконини берувчи банкомат ишга туширилиши кўзда тутилмоқда.
«Қишлоқ қурилиш банк» келгусида 24/7 режимида, кеча-ю кундуз, ходимсиз хизмат кўрсатадиган ўз-ўзига хизмат кўрсатиш шохобчаларини республиканинг бошқа ҳудудларида ҳам ташкил этишни режалаштирмоқда.
Замонавий ва қулай банк хизматларидан фойдаланинг!
«Қишлоқ қурилиш банк» – фаровон ҳаётингиз хизматида!
Маълумот учун:
Телефон: +998 71 150-93-39
Реклама ҳуқуқи асосида
Изоҳ (0)