«Ўзбекнефтгаз» АЖ бошқаруви раиси Алишер Султонов лавозимини тарк этди. Бу ҳақда компаниядаги манбаларга таяниб, «Kun.uz» маълум қилди.
1999 йилдан «Ўзбекнефтгаз» тизимида ишлай бошлаган Алишер Султонов 2015 йил августида компания раисига айланганди.
Султонов ўрнига Баҳром Ашрафхонов «Ўзбекнефтгаз» АЖ бошқаруви раиси лавозимини эгаллагани билдирилмоқда.
Ашрафхонов 2016 йил февралидан буён Ўзбекистоннинг Россиядаги элчиси сифатида фаолият кўрсатиб келаётганди.
У 1969 йилда Тошкент шаҳрида туғилган. 1993 йили Тошкент давлат иқтисодиёт университетини тамомлаган. Молия вазирлигида турли лавозимларда ишлаган, жумладан, 2005—2007 йилларда Молия вазирининг биринчи ўринбосари бўлган. 2007 йилдан 2016 йилгача Молия вазирлиги Ғазначилиги бошлиғи лавозимида фаолият кўрсатган.
Алишер Султонов Ўзбекистон Республикаси бош вазирининг ўринбосари ҳам ҳисобланади. Айни вақтда у мазкур лавозимни сақлаб қолгани айтилмоқда.
Эслатиб ўтамиз, Алишер Султонов шу йилнинг 20 августида автофалокатга учраб, шифохонага ётқизилганди.
Изоҳ (0)