Муайян яшаш жойига эга бўлмаган шахсларни реабилитация этиш марказига жойлаштирилган 5 нафар шахсга фуқаролик паспорти расмийлаштирилди. Бу ҳақда вилоят ИИБ ахборот хизмати хабар берди.
Хоразм вилояти ИИБ ППХ ва ЖТСБ га қарашли марказ ходимлари, муқим яшаш жойига эга бўлмаганлиги учун яқинда марказга келтирилган 5 нафар фуқароларни соғлом турмуш тарзига мослаштириш борасида бир қатор мақсадли ва манзилли чора-тадбирларни амалга оширмоқдалар.
Мустақилликнинг 27 йиллиги нишонланди ва марказда сақланаётган шахслар учун байрам дастурхони ёзилиб, ош тортилди.
Шундан кейин марказда сақланаётган 5 нафар шахсга фуқаролик (биометрик) паспортлари тантанали топширилди.
Бундан ташқари ушбу шахсларга ҳомийлар томонидан ажратилган янги кийим-бошлар байрам туҳфаси тариқасида тортиқ қилинди.
Эндиликда ушбу шахсларни уй-жой билан таъминлаш мақсадида маҳаллий ҳокимликлар билан ҳамкорликда чора-тадбирлар амалга оширилмоқда.
Изоҳ (0)