Туркия «Ангрен» ЭИЗда Марказий Осиёдаги энг замонавий металл конструкциялари заводини ишга туширди

Туркиянинг Dal Teknik Makina Ticaret ve Sanayi A.Ş. Ангрен эркин иқтисодий зонасида Марказий Осиёдаги энг замонавий металл конструкциялари заводини ишга туширди. Бу ҳақда «Podrobno.uz» хабар берди.

Корхонада турли тармоқлар, жумладан, каркас қурилмалари, электр узатиш линиялари, қуёш панеллари, шамол турбиналари, минора ва кўприк кранлари, резервуарлар учун қўлланадиган металл конструкциялари ишлаб чиқарилади.

Заводнинг ишлаб чиқариш қуввати биринчи босқичда йилига 12 минг тонна маҳсулотни ташкил этади. Иккинчи босқичда бу кўрсаткич 24, учинчисида эса 30 минг тоннага етади. Турк компанияси лойиҳага 10,7 миллион доллар инвестиция киритди, 170 та янги иш ўрни яратилди.