Мингбулоқ туманидаги 4 та маҳаллада «Халқ кутубхонаси» иш бошлади. Бу ҳақда «Дарё» мухбири хабар бермоқда.
Мазкур кутубхоналарга жами 35 миллион сўмлик 2150 дона китоб тақдим этилди. Улар орасида бадиий, ижтимоий-сиёсий ва болалар адабиёти намуналари бор.
Кутубхоналар вилоят хотин-қизлар қўмитаси, Республика Маънавият ва маърифат маркази вилоят бўлими, туман ҳокимлиги, «Наманган китоб олами» МЧЖ мутасаддилари, шоир ва ёзувчилар иштирокида очилди.
Наманган вилоятининг чекка ҳудудларда «Халқ кутубхоналари» ташкил этилиши анъанага айланиб бормоқда. Олдинроқ Янгиқўрғон туманида ҳам 4 та маҳаллада шундай маскан ташкил этилиб, 3 мингдан ошиқ жами 46 миллион сўмлик китоб етказиб берилганди.
Изоҳ (0)