Рустам Саъдиев «Барон 2» фильмида Улуғбек Қодиров ва Жавоҳир Зокиров роль ижро этмаслигини маълум қилди (видео)

«Барон 2» фильмининг суратга олиш ишларига тайёргарлик кўраётган режиссёр Рустам Саъдиев «Дарё» интернет-нашри учун эксклюзив интервью берди. Интервьюни журналист Феруз Муҳаммад уюштирди.

Режиссёр интервью давомида «Барон» фильмида асосий ролларни ижро этган Улуғбек Қодиров ҳамда Жавоҳир Зокиров «Барон 2» фильмида роль ижро этмаслиги ва бунинг сабаблари ҳақида гапириб берди.

«Барон 2» фильмида ҳам Фарҳод Маҳмудов бош ролни ижро этади. Бундан ташқари Дилноза Кубаева, Шаҳзода Матчонова, Алихан сингари актёр ва актрисалар фильмда роль ижро этишади. Актёрлар Улуғбек Қодиров ҳамда Жавоҳир Зокиров «Барон 2» фильмида кўзда тутилмаган, сабаби олдинги фильмда сюжет бўйича уларнинг иштироки тугаб бўлган. «Барон 2» фильмида бунинг ҳаммаси оқланган. Бир фильмда битта воқелик бўлса, иккинчи фильмда бошқа воқелик бўлади. Яъни биринчи воқеликдаги актёр-актрисаларнинг аксарияти иккинчи фильмда иштирок этмайди. Лекин асосий қаҳрамон бўлгани учун, унинг атрофидагилар албатта иштирок этади. Яъни асосий қаҳрамоннинг оиласи, мисол учун актриса  Дилноза Кубаева тимсолида фильмда роль ижро этишади.

Рустам Саъдиев, режиссёр