Бугун, 1 сентябрь санасида Индонезиянинг Жакарта ҳамда Палембанг шаҳрида XVIII ёзги Осиё ўйинларининг бокс мусобақаларида финал баҳслари бўлиб ўтмоқда.
Ҳозиргина -60 кг вазнда Ўзбекистон шарафини ҳимоя қилган Шунқор Абдурасулов финал жангини ўтказди. Унга ҳал қилувчи жангда мўгулистонлик Цендбаатар Ерденебат рақиблик қилди. Ҳакамлар 2:3 ҳисобида мўғулистонлик боксчининг ғалабасини қайд этишди. Шу тариқа Ўзбекистоннинг кумуш медаллари сони 22 тага етди.
Бироз аввал -49 кг вазнда Ҳасанбой Дўстматов кумуш, -52 кг вазндаги Жасурбек Латипов ҳамда -56 кг вазнли боксчи Миразизбек Мирзҳалилов эса олтин медалга эга чиққани ҳақида хабар берилганди.
Бугун, шунингдек, яна 3 нафар боксчи финал жангида иштирок этади.
- -64кг: Иқболжон Холдоров- Чинзориг Баатарсух (Мўғулистон)
- -69кг: Бобоусмон Батуров- Асланбек Шимбергенов (Қозоғистон)
- -75кг: Исроил Мадримов- Абилхан Аманкул (Қозоғистон)
Изоҳ (0)