Украинанинг Донецк шаҳри марказидаги «Сепар» кафесида юз берган портлаш оқибатида Донецк халқ республикаси раҳбари Александр Захарченко ҳалок бўлди. Бу ҳақда «ТАСС» ва «Интерфакс»га таяниб, «Новая газета» хабар берди.
Маълумот ДХР раҳбари маъмурияти томонидан тасдиқланган. Унга кўра, Александр Захарченко террористик ҳужум оқибатида ҳалок бўлган. Ҳодиса тафсилотлари аниқлаштирилмоқда.
Хабар берилишича, портлаш оқибатида ДХР солиқлар ва йиғимлар вазири Александр Тимофеев жароҳат олган. Захарченко ва Тимофеевни эҳтимолий йўқ қилиниши ҳақидаги миш-мишлар сўнгги бир неча ҳафта давомида кенг тарқалган.
Захарченкони ўлдиришда гумонланаётганлар қўлга олинган. «Сепар» кафеси Захарченко қўриқчилари бошлиғига тегишли эканлиги хабар қилинмоқда.
Украина Хавфсизлик хизмати мамлакатнинг махсус хизматлари бу воқеага алоқадор эмаслигини маълум қилган.
Изоҳ (0)