Тошкент шаҳар ҳокими вазифасини бажарувчи Жаҳонгир Ортиқхўжаев меъморчилик ва ландшафт дизайнига ихтисослашган Novellо компанияси асосчиси Марино Новелло билан учрашди. Бу ҳақда ҳокимлик матбуот хизмати маълум қилди.
Учрашувда Ўзбекистоннинг Италиядаги янги тайинланган элчиси Отабек Акбаров ҳам иштирок этди.
Томонлар икки мамлакатнинг савдо-иқтисодий ҳамкорлигини муҳокама қилди. Марино Новелло пойтахтнинг асосий ўзига хослиги умумий узунлиги 417 километр бўлган канал ва ариқлар эканлигини қайд этиб ўтди.
Меҳмон меъморчилик ва ландшафт дизайни соҳасида ҳамкорлик қилиш истагини билдирди. Шунингдек, ўзбек-италян маданий марказини яратиш масаласи ҳам муҳокама қилинди.
Изоҳ (0)