«Ўзэкспомарказ» миллий кўргазмалар мажмуасида «Тошкент вилоятида бизнес юритинг» инвестицион форуми ўтказилди. Унда чет эллик инвесторлар билан 250 миллион долларлик 10 лойиҳа бўйича келишувга эришилди. Бу ҳақда ЎзА хабар берди.
Маълумотларга кўра, форум доирасида чет эллик инвесторлар билан 250 миллион долларлик 10 та лойиҳа бўйича келишувга эришилган.
Форум доирасида «Ўзэкспомарказ» павильонида вилоятнинг 200 га яқин тадбиркорлари томонидан саноат, туризм ва қишлоқ хўжалиги маҳсулотлари кўргазмаси ҳам ташкил этилди.
«Корхонамизда йилига ўртача 10 минг тонна сифатли товуқ гўшти тайёрланади. Маҳсулотлар асосан қўшни Қозоғистон, Қирғизистон, Тожикистон, Туркманистон ва араб давлатларига экспорт қилинмоқда», — дейди Пискент туманидаги «Саховат Бройлер» масъулияти чекланган жамияти бўлим бошлиғи Р.Қамбаров.
Тадбир иштирокчилари «Ангрен эркин иқтисодий саноат зонаси»да бўлиб, у ердаги корхоналар фаолияти ва ишлаб чиқарилаётган маҳсулотлар билан танишди.
Форумда Россия, Франция, Германия, Польша, Болгария, Туркия, АҚШ, Хитой, Япония, Жанубий Корея, Ҳиндистон, Малайзия ва Сингапур каби 20 дан ортиқ давлатдан 200 дан зиёд дипломатик корпус вакиллари, тадбиркор ва инвесторлар иштирок этди.
Изоҳ (0)