Алишер Усмонов ва унинг шериклари Россияда маҳсулотларни маркировка қилиш тизимини ишлаб чиқади

Россияда маҳсулот оқимининг салмоқли қисмини қамраб оладиган маркировка тизими ишлаб чиқилади. Бу ҳақда бўлажак тизим оператори — Истиқболли технологияларни ривожлантириш маркази вакили маълум қилди, дея хабар беради «Ведомости».

Мазкур марказнинг ярми — 50 фоизи Алишер Усмонов бошқарувидаги USM Holdings, қолган 25 фоиздан улуши эса «Ростех» корпорацияси ва Almaz Capitalʻга тегишли эканлиги билдирилмоқда.

Тизимни яратиш харажатлари 15 йилда 205,7 миллиард рублга бориши тахмин қилинмоқда. Бунга давлат томонидан маблағ киритилиши кўзда тутилмаган.

Харажатларни ишлаб чиқарувчилар ва истеъмолчилар қоплайди. Марказ ҳар бир маркировка қилинган маҳсулот учун ярим рублдан олишни режалаштирмоқда.