Шавкат Мирзиёев Бирлашган Миллатлар Ташкилотининг собиқ бош котиби Кофи Аннан вафоти муносабати билан БМТ бош котиби Антониу Гутерришга таъзия билдирди. Бу ҳақда Президент матбуот хизмати маълум қилди.
Кофи Аннан 1997 йилда БМТ бош котиби этиб сайланган ва бу лавозимни эгаллаган илк қора танли бўлганди. 2001 йилда Кофи Аннанга тинчлик бўйича Нобель мукофоти топширилган ва иккинчи муддатга сайланган. 2006 йил охирида лавозимини тарк этган.
Кофи Аннан БМТ бош котиби сифатида 2002 йилда Ўзбекистонга ташриф буюрганди. У 80 ёшида вафот этди.
Изоҳ (0)