ШҲТга аъзо давлатлар қуролли кучлари бўлинмаларининг «Тинчлик миссияси — 2018» ҳарбий машғулотларини ўтказиш учун Россиянинг Челябинск вилоятига Сибирдан Ми-24 «Крокодил» ва Ми-8АМТШ «Терминатор» вертолётлари кўчириб ўтказилди. Бу ҳақда «ТАСС» хабар бермоқда.
Халқаро манёврлар чоғида учувчилар қуруқликдаги гуруҳларга турли вазифаларни бажаришда ва юкларни ташишда ҳаводан ёрдам кўрсатади.
Қўшма аксилтеррорчилик қўмондонлик-штаб машғулотлари Чебаркулда 22—29 август кунлари ўтказилади. Манёврларда Қозоғистон, Тожикистон, Қирғизистон, Россия, Хитой, Ҳиндистон, Покистон қуролли кучларининг қуруқликдаги қўшинлари бўлинмалари ва авиациялари қатнашади. Ўзбекистон вакиллари эса кузатувчилар сифатида иштирок этади.
«Тинчлик миссияси — 2018»да жами 3 мингдан ортиқ ҳарбий хизматчи ва 500 га яқин техника қатнашади.
Изоҳ (0)