Наманган вилоятида қурилиши режалаштирилаётган Hyundai заводининг лойиҳа қуввати 3 минг юк автомобили ва автобусидан иборат. Бу ҳақда «Podrobno.uz» хабар бермоқда.
Биринчи босқичда корхонада кунига 8-10, йилига 1000 дона автомобиль ишлаб чиқарилади. 3 йил давомида бу кўрсаткич 3 мингтага, яъни 2 минг юк машинаси ва 1000 та автобусга етказилади. Бошланишида эҳтиёт қисмлар Жанубий Кореядан келтирилса, маҳаллийлаштириш дастурига мувофиқ уч йил ичида босқичма-босқич бутловчиларни ишлаб чиқариш ўзлаштирилади.
Янги корхона ишга туширилиши билан 1000 та янги иш ўрни яратилади, келгусида уларнинг сони 6 минг кишига етади.
Маълумот учун, Намангандаги мазкур заводда юк кўтариш ҳажми 1 тоннадан 50 тоннагача бўлган юк машиналари, халқаро, шаҳарлараро ва сайёҳлик автобуслари, шунингдек, махсус транспорт воситалари ишлаб чиқарилиши кўзда тутилган.
Изоҳ (0)