Бугун,

  • USD 11095.31
  • RUB 173.84
  • EUR 10772.44

27 июль куни Пастдарғом туман тиббиёт бирлашмасига қарашли Самарқанд ҚВП тез ёрдам бўлимида шифокор бўлиб ишлайдиган Д.Қ. «Навбаҳор» маҳалласида яшовчи фуқаро Санжар Аббаев томонидан калтакланди. Бу ҳақда «Дарё» мухбири Фарҳод Норбўтаев хабар берди.

Фото: ЎзА

Фото: ЎзА

Айтилишича, 27 июль куни кеч соат 21:00 атрофида «Навбаҳор» маҳалласида яшовчи Санжар Аббаев мурожаат қилиб келди. Мурожаатчи маст эди. У ўсимликларга бериладиган дорини билмасдан ичиб қўйганлигини билдирди, дейди жабрланувчи шифокор Д.Қ.

Мурожаатдан сўнг Д.Қ. беморни тўлиқ текширувдан ўтказиб, аҳволи яхши эканлигини тушунириб ўтди. Бироқ мурожаатчи кетишида шифокорларни ҳақоратлаб чиқиб кетди. Орадан ярим соатлар ўтганидан сўнг тез тиббий бўлимга Санжар Аббаев телефон орқали мурожаат қилди. Чақирувга борган шифокор Д. Қ. мурожаатчи бундан сал аввалроқ текширувдан ўтказилганини билган.

— Мурожаатчининг уйига борганимда у билмасдан ичиб қўйган дорини кўрсатди. Яна кўриб чиққанимиздан сўнг биринчи текширувдан сўнг нега ҳақоратлаб кетдингиз деб сўрадим. Кутилмаганда уй эгаси мени калтаклаб кетди, — дейди Д. Қ. — Бу ердан амаллаб чиқдим. Ҳайдовчи ва ёрдамчи шифокорга тегишмади. Ҳеч қандай ёрдамга муҳтож эмас эди. Ҳар доимгидек соғлом организм ҳаракат қилаётган эди. Ичган дорисининг ҳам номи ёзилмаган. Аҳволи яхши эди. Аҳволи ёмон одам бировни бу қадар калтаклай олмасди. Мен ҳеч қандай қаршилик кўрсатмадим. Шохобчага келиб яна урди. Сўнг ички ишлар бўлимига мурожаат қилдик. Ўзим ёрдамга муҳтож бўлганим учун шифохонага боришга мажбур бўлдим.

Ҳолат бўйича айни пайтда «Навбаҳор» маҳалласи профилактика инспектори капитан Ҳасан Таниев дастлабки тергов-суриштирув ишларини олиб бормоқда.

— Воқеа содир бўлган куни Санжар Аббаев маст бўлган. У пахтага сепиладиган дорини сув деб ичиб юборган. Қорни оғриб қолганидан сўнг тез ёрдам бўлимига мурожаат қилган. У ерда Д. Қ. томонидан текширувдан ўтказилган. Фақат чиқиб кетишида шифокорни ҳақоратлаган, — дейди Таниев. — Ҳолат бўйича спиртли ичимлик истеъмол қилгани учун Санжар Аббаевга нисбатан Маъмурий жавобгарлик тўғрисидаги кодексининг 187-моддаси асосида маъмурий баённома тузилган.

Жабрланувчи Д.Қ. туман суд тиббий экспертизасидан текширувдан ўтказилди. Ҳозирда тергов суриштирув ишлари олиб борилмоқда. Экспертиза хулосаси асосида кейинги чоралар кўрилади.

Изоҳ
Асосий янгиликлар
Маҳаллий
Андижонда кредит маблағларини ўзлаштирган раҳбарларга жиноят иши қўзғатилди
Маҳаллий
Ўтган йили биржа бозорларимиз рекорд даражада ўсди — Республика валюта биржаси
Иқтисодиёт
“Россияга қарши энг яхши стратегик жавоб”: Украина фармацевтика компанияси Ўзбекистондаги “Река-Мед”ни сотиб олди