«Барселона» 1 йилдан сўнг шартномаси тугайдиган ҳимоячисини Туркия клубига ижарага бериб юборди

Туркиянинг «Сивасспор» клуби «Барселона»нинг бразилиялик ҳимоячиси Дугласни ижарага олди. Бу ҳақда турк клуби матбуот хизмати маълум қилгди.

Дуглас ўтган мавсумни «Бенфика» сафида ижарада ўтказган эди. «Барселона» эса уни асосий таркиб футболчиси сифатида кўрмай, ижарага беришни афзал билди. Аммо қизиғи шундаки, Дугласнинг «Барселона» билан шартномаси келаси йил ёзида якунига етади. Футболчи шу тариқа шартномаси якунига қадар «Сивасспор» сафида ижарда бўлади.

Дуглас «Барселона» асосий таркибида 3 та учрашув ўтказган. Майдонда ҳаракат қилган умумий дақиқалари сони эса 63 дақиқани ташкил этди. У бу учрашувларда гол ура олмаган, аммо битта сариқ карточка ишлаб олган.