Жорий йилнинг 20 июлидан 21 июль санасига ўтар кечаси Тошкент шаҳар ИИББ ЙҲХБ томонидан пойтахтимизда 349 та қоидабузарлик ҳолати қайд этилган. Хусусан, тунги вақтда тезликни оширган ҳайдовчилар 15 нафарни ташкил этди, деб хабар беради Тошкент шаҳар ИИББ ЙҲХБ.
Мирзо Улуғбек тумани, Гулсанам кўчаси бўйлаб ҳаракатланган қоидабузарлардан бири Lifan мотоциклида тезликни белгиланган меъёрдан оширган ва двигатель шовқини билан атрофдагилар тинчини бузган. Бундан ташқари мотоцикл тўхтатиб текширилганда унинг ҳайдовчиси 39 ёшли Руслан Д. транспорт воситасини маст ҳолда бошқаргани маълум бўлди.
Тезликни оширган ҳайдовчилардан яна 3 нафари спиртли ичимликлар истеъмол қилганлиги аниқланди. Улардан бири 48 ёшли Ҳусан М. Spark машинасини бошқарган. Ҳайдовчи Мирзо Улуғбек тумани, шу ном билан аталувчи кўчада ҳаракат хавфсизлиги нозирлари томонидан тўхтатилган. Сергели туманида маст ҳолда Nexia автомобилини бошқариб борган 39 ёшли Санжар Х. ҳам тезликни белгиланган меъёрдан ошириб юборгани боис жавобгарликка тортилди. Худди шундай қоидабузарлик кичик ҳалқа йўлида ҳам кузатилган. Matiz эгаси 32 ёшли Зарифжон Х. тўхтатилиб текширилганида маст ҳолда экани ошкор бўлган.
Олмазор тумани, Соғбон кўчасида тезликни оширганлиги учун 43 ёшли Акромжон C. бошқарувидаги Lexus русумидаги автомашина тўхтатилганида, ҳайдовчи мажбурий суғурта полисига оид ҳужжатларга эга эмаслиги аниқланди. Бу каби ҳолатлар ўтказилган рейд давомида 8 маротаба қайд этилди.
Изоҳ (0)