Кеча, 15 июль санасида футбол бўйича XXI Жаҳон Чемпионати якунига етди.
Франция терма жамоаси Хорватия устидан 4:2 ҳисобида ғалаба қозониб, ўз тарихида иккинчи марта Жаҳон чемпиони деган номга сазовор бўлди.
Мусобақа тўпурари номи Англия терма жамоаси ҳужумчиси Ҳарри Кейнга насиб этди. У ЖЧ—2018 да 6 та гол уришга эришди.
Франция терма жамоаси ҳужумчиси Антуан Гризманн эса гол+пас тизимида мундиалнинг энг самарали футболчиси бўлди. У 4 та гол уриб, 3 та голга ҳаммуаллифлик қилди.
Хорватия терма жамоаси ҳужумчиси Марио Манжукич эса бу борада 6 очко жамғарди. Яъни, Марио 3 та гол уриб, 3 та голли узатмани амалга оширди.
Изоҳ (0)