ФИФА томонидан ўтказилган сўровномага кўра Франция терма жамоасининг ҳужумчиси Килиан Мбаппе нимчорак финалдан ўрин олган дастлабки учрашувнинг энг футболчиси деб топилди.
Мазкур баҳсда «C» гуруҳи ғолиби Франция ҳамда «D» гуруҳида иккинчи ўринни эгаллаган Аргентина терма жамоалари ўзаро кураш олиб борди.
Якунда Дидье Дешам шогирдлари 4:3 ҳисобида ғалаба қозониб, чорак финалга йўлланмани қўлга киритди.
«Учранглилар» форварди эса дублга эришиб, жамоасининг ғалабасига салмоқли ҳисса қўшди. Таъкидлаш жоиз, Мбаппе Франциянинг дастлабки голида ҳам фаол иштирок этди. Айнан унинг саъй-ҳаракатлари боис 13-дақиқада рақиб дарвозаси томон пенальти белгиланди. 11 метрли жарима зарбасини эса Антуан Гризманн голга айлантирди.
Чорак финалда Франция бироздан сўнг бошланадиган Уругвай – Португалия учрашувининг ғолибига қарши кураш олиб боради. «Дарё» мазкур ўйиндан матнли онлайн трансляцияни амалга оширади.
Изоҳ (0)