2018 йилнинг январь—май ойларида Ўзбекистон ва Тожикистон ўртасида товар алмашиш ҳажми салкам 94 миллион долларни ташкил этди. Бу ҳақда Sputnik хабар берди.
Бу ўтган йилнинг шу давридаги кўрсаткичга нисбатан икки баробарга кўпдир.
Тожикистондан Ўзбекистонга 54 миллион долларликдан ортиқ маҳсулот келтирилган. Ўзбекистондан Тожикистонга эса 40 миллион долларга яқин маҳсулот етказилган.
Шу тариқа, Ўзбекистон Тожикистон ижобий савдо балансига эга бўлган Молдовадан кейинги иккинчи давлат бўлди.
Тожикистон Ўзбекистонга асосан хом ашё, жумладан, цемент ва кварс қуми экспорт қилмоқда. Ўзбекистон эса автомобиллар ва озиқ-овқат маҳсулотлари етказиб беради.
Изоҳ (0)