Президент Дональд Трамп Пентагонга АҚШ армиясининг янги тармоғи бўладиган космик қўшинларни шакллантириш тўғрисида буйруқ берди. Бу ҳақда Reuters’га таяниб, «Газета.ru» хабар бермоқда.
Президентнинг фикрича, космик қўшинлар АҚШ мудофааси учун керак. Трамп Америка қўшинлари космосда ҳам устунликка эга бўлиши лозимлигини таъкидлаган.
Ҳарбий-космик кучлар АҚШ қўшинларининг олтинчи тармоғи бўлиши кутилмоқда.
Аввалроқ АҚШ ҳарбий идоралари космик қўшинларни шакллантиришга тайёр эканини маълум қилган. Пентагоннинг расмий вакили Дана Уайт ушбу масала президент ва конгресс томонидан ҳал қилинишини билдирган эди.
Мамлакат вице-президенти Майк Пенс АҚШ қўшинлари фазода ҳам етакчилик қилишини таъкидлаб ўтган.
Изоҳ (0)