АҚШ Хитойнинг йиллик ҳажми 50 миллиард долларлик товарларига нисбатан 25 фоизлик импорт божини жорий этди. Бу ҳақда 15 июнь, жума куни АҚШ президенти Дональд Трамп маълум қилди, деб ёзади «РИА Новости».
«Интеллектуал мулк ва технологияларнинг ўғирланиши, шунингдек бошқа адолатсиз савдо ҳаракатлари фонида Қўшма Штатлар Хитойнинг 50 миллиардлик товарларига 25 фоизлик импорт солиғи жорий этади. Мазкур товарлар саноат жиҳатидан муҳим технолигияларни ўз ичига олади», — дейилади Трамп баёнотида.
Унинг сўзларига қараганда, бож жорий этилаётган импорт «Хитойда ишлаб чиқарилган — 2025» стратегик режаси билан боғлиқ товарларни ўз ичига олади.
Божларнинг жорий этилиши ХХР билан савдо балансини тиклаш йўлидаги биринчи чора бўлади. Трампнинг таъкидлашича, ҳозирда унда АҚШнинг улкан дефицити кузатилмоқда.
Америка етакчиси ХХР савдо чекловларининг жорий этилишига жавоб қайтарса, АҚШ қўшимча импорт божларини жорий этишини таъкидлади.
Изоҳ (0)