Испания термасига қарши ўйинда хет-трикка эришган 33 ёшли Криштиану Роналду ўзининг Португалия термаси сафида урган голлари сонини 84 тага етказиб олди ва Европа терма жамоалари сафида гол уриш борасида Венгрия терма жамоаси собиқ футболчиси Ференц Пушкаш рекорди билан тенглашиб олди, деб ёзади ESPN.
Энди уларда бир хил 84 тадан гол мавжуд. Улардан олдинда эса Европада ҳеч ким йўқ.
Жаҳон бўйича эса терма жамоаларида гол уриш борасида Али Дайи етакчи ҳисобланади. Али Эрон термаси сафида 109 та гол уришга эришган. Роналду эса эндиликда Ференц Пушкаш билан иккинчи ўринни бўлишиб турибди.
Маълумот учун Ференц Пушкаш ҳам вақтида «Реал Мадрид» шарафини ҳимоя қилган.
Изоҳ (0)