Тошкентдаги Яшнобод туманидаги ҳарбий хизматчилар ва уларнинг оила аъзолари истиқомат қилаётган янги «Олмос» маҳаллада илк ижодий учрашув ўтказилди. Бу ҳақда Мудофаа вазирлиги матбуот хизмати хабар берди.
Учрашувда Ўзбекистон Ёзувчилар уюшмаси аъзоси, шоир Ориф Тўхташ чиқиш қилди. Мудофаа вазирлиги Маънавият ва маърифат маркази бош мутахассиси Убайдулло Олтинов китоб мутолааси ва унинг афзалликлари, баркамол авлодни тарбиялашдаги аҳамияти тўғрисида тўхталиб ўтди.
Тадбир сўнгида «Обод қишлоқ» лойиҳаси доирасида Жиззах вилоятидаги бунёдкорлик ишларини ўзида акс эттирган «Манас» фильми намойиш этилди.
Эслатиб ўтамиз, «Хотира ва Қадрлаш куни» байрами арафасида Мудофаа вазирлигининг ҳарбий хизматчиларига Яшнобод туманидаги «Олмос» маҳалласида янги уйларнинг калитлари тантанали тарзда топширилган эди.
Изоҳ (0)