Миссис World унвони соҳибаси қирғизистонлик Сания Шокирова Иссиқкўл вилоятидаги аварияда ҳалок бўлди. Бу ҳақда телебошловчи Ассол Молдомоктова маълум қилди, дея хабар беради Tengrinews.
2 июнь куни соат тахминан 21.00 да Ravon Nexia R3 машинасини бошқарган такси ҳайдовчиси бошқарувни уддалай олмай йўлдан чиқиб кетди ва тўсиққа бориб урилди. Сания Шокирова шу автомобилда бўлганди.
«Бетакрор аёл, меҳрибон она, ажойиб дугона...У уч нафар бола билан қолган, бироқ муаммолар қаршисида чекинмаганди. Ҳаракат қилди, юзидан табассум аримади ва Москвадаги гўзаллик салонига ишга жойлашди. Сания мамлакат шарафини муносиб ҳимоя қилди. Уни ғолиб сифатида эълон қилишганида жуда бахтли эди, бошидаги тожни узоқ вақтгача олмаганди», — дея хотирлади Ассол Молдомоктова.
Эслатиб ўтамиз, Вьетнамнинг Нячанг Камран шаҳрида 28 март—4 апрель кунлари Мисс Universe Beauty халқаро гўзаллик танлови бўлиб ўтди. Модельер Пьер Карден патронажи остида ўтказилган тадбирда дунёнинг 20 дан ортиқ давлатидан келган танлов ва фестиваллар ғолиблари қатнашди. Унда Қирғизистон номидан 30 ёшли Сания Шокирова иштирок этганди.
Изоҳ (0)