Бухоро вилоят ИИБ Жиноят қидирув бошқармасининг Коррупция ва иқтисодий жиноятларга қарши курашиш бўлими ходимлари томонидан Бухоро шаҳрида ўтказилган тезкор тадбирлар давомида уй шароитида туғилган бола учун туғилганлик тўғрисидаги гувоҳнома тайёрлаб беришни ваъда қилиб, фуқародан 300 доллар талаб қилган врач-гинеколог қўлга олинди. Бу ҳақда UzNews хабар бермоқда.
Когон шаҳрида яшовчи фуқаро Бухоро вилояти ИИБ бошлиғи номига ариза орқали мурожаат қилиб, Бухоро шаҳридаги 7-сонли поликлиникада врач-гинеколог вазифасида ишловчи аёл унинг қорнидаги ҳомиласини уй шароитида туғдирганлигини, бунинг эвазига 400 доллар олганлиги, ҳозирда боласининг туғилганлиги тўғрисидаги гувоҳномаси йўқлиги сабабли унга вилоят тиббиёт бирлашмасида ишловчи танишлари орқали гувоҳнома тайёрлаб бериши мумкинлигини, бунинг учун эса 300 доллар беришини талаб қилаётганлигини билдириб, ушбу аёлга нисбатан қонуний чора кўришни сўраган.
Мазкур ариза юзасидан Коррупция ва иқтисодий жиноятларга қарши курашиш бўлими ходимлари томонидан олиб борилган тадбирлар натижасида 1981 йилда Бухоро шаҳрида туғилган, муқаддам Жиноят Кодексининг 114-моддасида кўрсатилган жиноятни содир қилганлиги учун судланган, Бухоро шаҳридаги 7-сонли оилавий поликлиникада акушер-гинеколог врач вазифасида ишловчи З.О. ариза муаллифидан 300 доллар олаётган вақтида ушланди.
Шунингдек, тиббиёт бирлашмасида оператор вазифасида ишлаб келаётган, 1994 йилда Когон туманида туғилган М.А. ҳам ўзининг жиноий шериги З.О. дан ушбу пулларни олаётган вақтида қўлга тушди.
Изоҳ (0)