ОАВлар Григорий Лепс йиқилиб тушиб, бир нечта қовурғасини синдириб олгани ҳақида хабар берди. Шунга қарамай Григорий Лепс 21 май куни Тошкентда концерт беради. Бу ҳақда концерт ташкилотчиси Matershow ташкилоти раҳбари Жавдат Очилов журналист Феруз Муҳаммадга маълум қилди.
Лепснинг вакили Наталья Мостакова қўшиқчи ростдан ҳам Москвадаги шифохоналардан бирига ётқизилганини тасдиқлаган, бироқ у ҳам ҳодиса қандай юз берганини изоҳламаган.
ОАВларда Григорий Лепснинг қовурғаси синганлиги ҳақидаги гапларни эшитганимдан сўнг, 18 май куни хонанданинг иш бошқарувчиси билан боғландим. Ҳақиқатдан ҳам Григорий Лепс шифохонага ётқизилган, аммо унинг қовурғаси синмаган, балки дарз кетган экан. Григорий Лепснинг шу кунларда бўлиб ўтиши режалаштирилган концерт дастурлари билан бир қаторда, 21 май куни Тошкентнинг «Халқлар дўстлиги» санъат саройидаги концерт дастури ҳам қолдирилмайди.Маълумот учун бунгача Григорий Лепснинг Тошкентдаги концерт дастури икки бор қолдирилган эди. 27 февраль куни бўлиб ўтиши режалаштирилган концерт дастури Григорий Лепснинг шахсий муаммолари туфайли, 26 март куни режалаштирилган дастур эса Россиядан техник аппаратураларнинг етиб келмаганлиги учун қолдирилган эди.Жавдат Очилов, концерт ташкилотчиси
Эслатиб ўтамиз, Григорий Лепснинг концерт дастурига энг арзон чипта — 120 минг сўм, энг қиммати эса 2 миллион сўмдан сотилган эди.
Изоҳ (0)