15 май, сешанба куни аэробус катталигидаги астероид Ердан нисбатан яқин масофада учиб ўтди, аммо тўқнашув хавфи юзага келмади, деб ёзади «ТАСС» Кембридж (Массачусетс штати)даги Смитсон астрофизика обсерваторияси қошидаги Кичик сайёралар маркази тадқиқотчиларига таяниб.
2010 WC9 деб ном олган астероид Тошкент вақти билан 16 май куни 03:05 да Ерга 203,4 минг км масофада яқин келиб, сайёра ва Ой оралиғидан учиб ўтди.
Астероиднинг диаметри 36—119 метр атрофида, у сониясига тахминан 13 км тезликда ҳаракатланади ва Қуёшни 1,12 Ер йили ичида айланиб чиқади.
Эслатиб ўтамиз, 2010 WC9 биринчи марта 2010 йил 30 ноябрда Аризонада Каталина осмон кузатуви ёрдамида аниқланган эди. Астрономлар космик объектни 1 декабрга қадар кузатди, холос, шундан кейин у кўздан ғойиб бўлди. Қарийб саккиз йилдан кейин Америка обсерваторияси ходимлари 2010 WC9’ни яна қайд этди.
Изоҳ (0)