Хитой компартияси сиёсий бюросининг собиқ аъзоси Сун Чжэнцай коррупция иши бўйича умрбод қамоқ жазосига ҳукм қилинди. Бу ҳақда «Meduza» сайти хабар берди.
Сун Чжэнцай 26 миллион АҚШ доллари миқдорида пора олганликда айбдор деб топилган. Шунингдек, Сун Чжэнцай барча сиёсий ҳуқуқлардан маҳрум этилди, унинг мол-мулки эса мусодара қилинади.
Судланувчи ўз айбига иқрор бўлган ва ҳукм бўйича арз қилмаслигини маълум қилган.
Сун Чжэнцай 2012 йили Хитой компартияси сиёсий бюросининг энг ёш аъзоси бўлган, ўша вақтда у 49 ёшда эди. Турли йилларда Цзилинь ва Чунцин провинциялари партия бошқармаларида юқори лавозимларни эгаллаган, қишлоқ хўжалиги вазири бўлган,
2015 йили Сун Чжэнцай Хитой компартияси бош котиби ва ҳукумат кенгаши раис ўринбосари лазовимларига асосий номзод бўлган.
2017 йил июлида Сун Чжэнцай лавозимидан озод этилган, унга нисбатан тергов иши очилиб, октябрь ойида партия сафидан четлаштирилган.