1 май куни Сурхондарё вилоят ИИБ жиноят-қидирув бошқармаси Гиёҳвандлик воситалари билан қонунга хилоф равишда муомала қилишга қарши курашиш бўлими ходимлари томонидан Денов туманида тезкор тадбир ўтказилди, деб хабар беради вилоят ИИБ матбуот хизмати.
Денов тумани А.Каримов СИУ Дахана маҳалласида яшовчи 1966 йилда туғилган, С.Анинг яшаш уйи ва ёрдамчи хўжаликлари холислар иштирокида кўздан кечирилганида яшаш уйи ва ёрдамчи хўжалигидан жами 125 туп марихуана гиёҳвандлик ўсимлигини экиб парваришлаб келаётганлиги аниқланиб, холислар иштирокида тегишли тартибда ҳужжатлаштириб олинди.
27 апрель куни Сурхондарё вилояти ИИБ ЖҚБ ходимлари томонидан Денов туманида ўтказилган тезкор тадбир натижасида, Денов тумани Феруз кўчасида яшовчи 1956 йилда туғилган К.З.нинг яшаш уйи ва ёрдамчи хўжаликлари холислар иштирокида кўздан кечирилганида, яшаш уйи томорқасида жами 71 туп марихуана гиёҳвандлик ўсимлигини экиб парваришлаб келаётганлиги аниқланган ва холислар иштирокида тегишли тартибда хужжатлаштириб олинди ва К.З.га нисбатан Ўзбекистон Республикаси Жиноят кодексининг 270-моддаси (тақиқланган экинларни қонунга хилоф равишда экиш ва етиштириш) 1-қисми билан жиноят иши қўзғатилди.
Ҳозирда ушбу ҳолат юзасидан вилоят ИИБ Жиноят қидирув бошқармаси ходимлари томонидан тезкор-суриштирув ишлари олиб борилмоқда.
Изоҳ (0)