Ўзбекистонда туризмнинг ҳамма босқичини фойда келтирадиган қилиш керак. Бу ҳақда Ўзбекистон Туризмни ривожлантириш давлат қўмитаси раиси Азиз Абдуҳакимов маълум қилди, деб ёзмоқда Spot.
Қўмита раисининг сўзларига кўра, мамлакатда сувенирлар, гидлик хизматлари, ресторанлар, кафеларда нархлар жуда паст. Бу бир томондан рақобатда устунлик берса, бошқа томондан туризм соҳасининг тадбиркорлар ва ҳукумат учун даромадли бўлиши ҳақида ўйлаш керак.
Унинг айтишича, сайёҳлик хизматларини диверсификация қилиш керак, чунки янги хизматларни йўлга қўйиш ва кўпроқ фойда олиш мумкин бўлган кўплаб йўналишлар мавжуд. Қўмита раҳбарининг қайд этишича, айни вақтда сайёҳларнинг маълум оқимини аниқ йўналтириш имконияти етишмайди.
Бунда Азиз Абдуҳакимов меҳмонларнинг ҳар бир турига алоҳида сайёҳлик хизматини таклиф қиладиган турк ҳамкасбларнинг тажрибасини тадбиқ қилиш кераклигини таъкидлаган.
Изоҳ (0)