АҚШ президенти Дональд Трамп Жанубий Корея етакчиси Мун Чжэ Иннинг уни Корея ярим оролидаги вазиятни яхшилаш йўлидаги хизматлари учун тинчлик бўйича Нобель мукофотига илгари суриш таклифини изоҳлади, деб ёзади The Hill.
«Мун бундай таклифни берган бўлса, жуда яхши одам экан. Асосийси — бизга тинчлик керак. Бу катта муаммо эди, бироқ ҳаммаси яхши бўлади деб ўйлайман. Кўрамиз. Корея Республикаси президенти жуда олижаноблик қилди, унинг таклифини қадрлайман, аммо ҳозирча жорий вазиятни тартибга солиш керак. Мен буни амалга оширмоқчиман», — деди у.
Трампни мукофотлашни истовчилар Шимолий Кореянинг ядросизлантирилиши ва Корея урушининг тугаши Нобель мукофоти учун аҳамиятли муваффақиятлар эканлигини даъво қилмоқда.
Изоҳ (0)