Яқинда Фарғонада янги туғилган чақалоққа мисрлик футболчига Муҳаммад Салоҳга ҳавас қилиниб, унинг исми қўйилгани ҳақида хабар берилган эди.
«Дарё» таҳририятига эса Тошкентда ҳам ота-она ўз фарзандига Муҳаммад Салоҳ исмини қўйгани ҳақида хабар берилди.
Тошкент шаҳрида истиқомат қилувчи Умирзоқовлар оиласи 29 март санасида дунёга келган ўғил фарзандига, Муҳаммад Салоҳ исмини қўйишди.
Муҳаммад Салоҳнинг отаси бу исмнинг қўйилиши ҳақида сўзлаб берди.
Аввал ўғлимизга аёлим Муҳаммад Амин деб исм қўйишни таклиф этганди. Ўзим «Манчестер Юнайтед»га мухлислик қиламан. Аммо мисрлик ўйинчининг ўйинлари, шунингдек, унинг мусулмон эканлиги сабаб ўғлимизга Муҳаммад Салоҳ исмини танладим.Фазлиддиннинг таъкидлашича, Муҳаммад Салоҳ оилада 3-фарзанд. Унда олдин эса опаси ҳамда акаси бор. Опасининг исми Нафиса бўлиб, у 7 ёшда. Нафиса эса ўзбек аёл шахматчилари орасида 1-бўлиб халқаро гроссмейстер мақомига эришган Нафиса Мўминовага ҳавас қилиб қўйилган. Иккинчи фарзанд эса Саидакбар, у 5 ёшда.Фазлиддин Умирзоқов, чақалоқнинг отаси
Изоҳ (0)