Кобулдаги теракт оқибатида 48 киши ҳалок бўлди

Афғонистон пойтахтида рўй берган портлаш оқибатида 48 киши ҳалок бўлди. Бу ҳақда «MetroNews.ru» хабар бермоқда.

Бундан ташқари, 50 киши яраланди.

Воқеа 22 апрель куни шаҳарнинг ғарбида юз берди. Воқеа жойида полиция ва тиббиёт ходимлари ишламоқда.

Ҳалок бўлганларнинг 22 нафари эркак, 21 нафари аёл, беш нафари болалардир.

Афғонистон ИИВ вакили Нажиб Донишга кўра, портловчи ускунани худкуш террорчи ҳаракатга келтирган. Портлаш шахсни тасдиқловчи ҳужжат топшириш маркази яқинида амалга оширилган.

Теракт учун жавобгарликни ИШИД ўз зиммасига олди.