Америкалик Кара Брукинс иккинчи муваффақиятсиз никоҳдан сўнг тўрт нафар фарзанди билан кўчада қолди. Унинг уйи ҳам, уни харид қилиш учун пули ҳам йўқ эди. Шунда у YouTube видеойўриқномалари ёрдамида уйни ўзи қурди. AdMe Кара ва унинг оиласи ҳикоясини тақдим этади.
2007 йилда 45 ёшли Брукинс у билан шафқатсиз муомалада бўлувчи турмуш ўртоғи билан ортиқ яшай олмаслигини тушунди. Ўшанда унинг фарзандлари 17, 15, 11 ва 2 ёш эди. Кара бунгача ҳеч қачон қурувчилик билан шуғулланмаган бўлса-да, ўзи мустақил равишда уй қуришга қарор қилди. Болалари унинг қарорини қўллаб-қувватлади.
Кара ер учун 20 минг доллар ва қурилиш материалларини харид қилиш учун 150 минг доллар кредит олди — ва болалари билан биргаликда YouTube’нинг қурилиш бўйича видеодарсларини кўра бошлади.
Лойиҳаларни тузишга 15 ёшли Дрю ёрдам берди, кичкина болалари эса цемент билан қориш учун сув ташиб турди.
Улар биргаликда деворларни кўтарди, қувурлар ўтказди. Кара кўпинча кечалари ишларди.
«Болаларимдан ташқари, ҳамма буни ахмоқона фикр деб ўйлар, қурилиш инспекторлари эса мени ақлдан озган деб ҳисоблар эди», — дейди Кара.
Оила баъзан нафақадаги ўт ўчирувчининг ёрдамидан фойдаланар, у ҳам қурилишда кўп нарсани тушунмаса-да, ўз иши учун кўп ҳақ олмас эди.
Уй ичкарисини безатиш ва интерьер билан ҳам Кара ва болалари шуғулланди.
Қурилиш 9 ой давом этди, 2009 йилда Кара ва унинг болалари 325 метр квадрат майдонли, бешта ётоқхона ва учта машинага мўлжалланган гаражли янги уйга кўчиб ўтди. Ҳозирда мазкур уй 500 минг долларга баҳоланмоқда.
Кара Брукинс ўз тажрибаси ҳақида китоб (Rise) ёзди. «Ўз мақсадингизни топинг ва қанчалик қийин бўлмасин, ундан воз кечманг», — дея хулоса қилади у.
Изоҳ (0)