Ўзбекистон Ички ишлар вазирлиги таълим муассасаларида ўқиган талабалар беш йил ишлаб бериши ёки ўқиш харажатларини мажбурий қоплаш тартиби белгиланди, деб ёзади Sputnik.
Ўзбекистон Ички ишлар ҳамда Молия вазирликлари томонидан ишлаб чиқилган Низомга кўра, бундан буён Ички ишлар вазирлигининг ўқув муассасаларида ўқиган ёки вазирлик томонидан хорижий муассасаларга ўқишга юборилган битирувчилар ўқишни тугатганидан кейин 5 йил давомида вазирлик йўлланмасига биноан, давлат идораларида мажбурий узлуксиз хизмат кўрсатиши керак бўлади.
Ушбу шарт бажарилмаган ҳолларда битирувчилар ўқиш харажатларини тўлиқ равишда қоплаши шарт бўлади. Бу ҳақда талабалар билан ўқиш жараёнининг бошида махсус шартнома имзоланади ва уларнинг ота-оналари огоҳлантирилади.
Ўқиш учун ундириладиган тўловда қуйидаги харажатлар ҳисобга олинади: ўқитувчилар иш ҳақи, стипендия, кийим-кечак, озиқ-овқат таъминоти, амалий машғулотлар ва йўл харажатлари.
Изоҳ (0)