Рақиб топилмагани сабабли Элнур Абдураимовнинг проф рингдаги илк жанги қолдирилди

Uzbek Tigers’нинг собиқ аъзоси, ўзбекистонлик боксчи Элнур Абдураимовнинг профессионал боксдаги илк жанги қолдирилди. Бу ҳақда «Оламспорт» маълум қилди.

Аввалроқ Жаҳон ва Осиё чемпионатлари ғолиб ва совриндори, қатор халқаро мусобақалар ғолиби Элнур Абдураимовнинг профессионал боксда фаолиятини бошлагани ҳамда жорий йилнинг 20 апрель куни Лас-Вегасда ўзининг профессионал боксдаги биринчи жангини ўтказиши маълум қилинган эди.

Бироқ Элнур 20 апрель санасида жанг ўтказмайдиган бўлди. Бунга сабаб эса Абдураимов учун ҳозирча рақиб топилмаган.

Яқин вақтлар ичида унинг дебюти қачон ўтказилиши маълум қилинади.