Франция мамлакат президенти Telegram’дан фойдаланмаслиги учун шахсий мессенжерини ишлаб чиқди

Франция ҳукумати расмий шахсларнинг барча маълумотларини мамлакат ичкарисида сақловчи шифрлашга эга бўлган шахсий мессенжерини синовдан ўтказа бошлади. Бу ҳақда Reuters хабар берди, деб ёзади Tjournal.

Мамлакат расмийлари маълумотлар Россия ёки АҚШда шифрланса, чатлардаги ахборот «бегона қўлларга» тушиши мумкинлигидан хавотирланмоқда.

Ҳозирча синов жараёнида француз ҳукуматининг 20 вакили иштирок этмоқда, бироқ ёзда мессенжерни барча мансабдорлар учун мажбурий тартибда жорий этиш режалаштирилмоқда.

Франция махсус хизматида шахсий мессенжерни ишлаб чиқиш истаги мамлакат президенти Эммануэль Макроннинг Telegram’га муҳаббати фонида юзага келган бўлиши мумкин. Bloomberg маълумотига кўра, Макрон, унга яқин доира ва баъзи бошқа мансабдорлар ишни муҳокама қилиш учун Telegram’даги чатлардан фойдаланади.