Адлия вазирлиги вазирлик марказий аппаратидаги бўш иш ўринларига, шунингдек туман (шаҳар) адлия бўлимларига малакали ҳуқуқшуносларни ишга таклиф қилади. Бу ҳақда Адлия вазирлигининг «Ҳуқуқий ахборот» Telegram-каналида хабар берилди.
Номзодларга қўйиладиган талаблар:
- олий юридик маълумот;
- давлат тилини яхши билиш (рус ёки бошқа тилларни билиш устунлик беради);
- юклатилган вазифаларни бажара олиш, қонун ҳужжатларини амалиётга тўғри қўлланишини таҳлил қилиш қобилиятига эга бўлиш;
- ҳужжатлар лойиҳаларини тайёрлаш ва расмийлаштириш.
Марказий аппаратдаги мутахассислар учун
Вазифалар:- қонун ҳужжатлари лойиҳаларини ҳуқуқий экспертизадан ўтказиш;
- ҳуқуқни қўллаш амалиётини ўрганиш ва таҳлил қилиш;
- юридик ва жисмоний шахсларнинг мурожаатларини кўриб чиқиш ва қонуний ҳал этиш;
- давлат органлари ва ташкилотларининг ҳуқуқий ишлари ҳолатини мониторинг қилиш ва ушбу ташкилотлар юридик хизмати фаолиятини методик таъминлаш, назорат қилиш ва мувофиқлаштириш.
- янги қабул қилинган қонун ҳужжатлари мазмун ва моҳиятини аҳолига ва ижрочиларга тушунтириш;
- ҳуқуқни қўллаш амалиёти бўйича таҳлилий материаллар тайёрлаш;
- статистик маълумотларни таҳлил қилиш ва натижаси бўйича таклифлар тайёрлаш.
Ойлик иш ҳақи, ижтимоий ҳимоялашга қаратилган қуйидаги чоралар ва тўловлар таъминланади:
- ойлик иш ҳақи – 4 млн. сўмдан 8 млн. сўмгача (мукофот пули ва моддий ёрдамлардан ташқари). Кейинчалик ушбу ойлик иш ҳақига мартаба даражалари учун ва кўп йиллик хизмати қўшимчалар бериб борилади;
- 6 та байрам ва 4 та чорак якунлари бўйича ойлик иш ҳақи фонди миқдорида мукофот пуллари;
- қишлоқ хўжалиги маҳсулотлари сотиб олиш учун йилда бир маротаба моддий ёрдам (энг кам ойлик иш ҳақининг 10 баравари миқдорида);
- уй-жой шароитларини яхшилашга муҳтож бўлган ходимларга уй-жой сотиб олиш учун беш йилдан кўп бўлмаган муддатга ва энг кам иш ҳақининг минг баробаридан ошмаган миқдорда фоизсиз қарз ажратиш.
Бундан ташқари:
- адлия органлари ходимларига бериладиган махсус унвон – мартаба даражалари берилади;
- илғор хорижий тажрибани ўрганиш мақсадида чет элларга хизмат сафарлари ва стажировкаларга юборилади.
Туман (шаҳар) адлия бўлимлари мутахассислари учун
Вазифалар:- маҳаллий давлат ҳокимияти органларининг қарорларини қонун ҳужжатларига ва мамлакатда олиб борилаётган ислоҳотларнинг мақсад ва вазифаларига мувофиқлиги юзасидан ҳуқуқий экспертизадан ўтказиш;
- ҳуқуқни қўллаш амалиётини ўрганиш ва таҳлил қилиш;
- юридик ва жисмоний шахсларнинг мурожаатларини кўриб чиқиш ва қонуний ҳал этиш;
- давлат органлари ва ташкилотлари туман (шаҳар) бўлимлари ҳуқуқий ишлари ҳолатини мониторинг қилиш ва ушбу ташкилотлар юридик хизмати фаолиятини методик таъминлаш, назорат қилиш ва мувофиқлаштириш;
- туман (шаҳар) даражасидаги давлат ташкилотларининг қонун ҳужжатларини ижро қилинишини ташкил қилишда методик раҳбарликни амалга ошириш;
- туман (шаҳар) даражасидаги давлат ташкилотларига қонун ҳужжатларини қўлланиши юзасидан маслаҳат бериш;
- янги қабул қилинган қонун ҳужжатлари мазмун-моҳиятини аҳолига ва ижрочиларга тушунтириш;
- ҳуқуқни қўллаш амалиёти ва норма ижодкорлиги соҳасида мониторинг ҳамда таҳлиллар ўтказишда иштирок этиш, шунингдек натижаларига кўра амалдаги қонун ҳужжатларини янада такомиллаштириш бўйича таклифлар ишлаб чиқиш;
- ҳуқуқни қўллаш амалиёти бўйича таҳлилий материаллар тайёрлаш;
- статистик маълумотларни таҳлил қилиш ва натижаси бўйича таклифлар тайёрлаш;
Ойлик иш ҳақи, ижтимоий ҳимоялашга қаратилган қуйидаги чоралар ва тўловлар таъминланади:
- ойлик иш ҳақи – мутахассислар учун 2,2 млн. сўмдан, туман (шаҳар) бўлим бошлиғи учун 3 млн. сўмдан бошланади, кейинчалик ушбу ойлик иш ҳақига мартаба даражалари учун ва кўп йиллик хизмати учун қўшимчалар (бундан ташқари, мукофот пули, моддий ёрдам ва бошқалар) қўшиб борилади;
- адлия органлари ходимларига бериладиган махсус унвон – мартаба даражалари берилади;
- туман бўлимлари бошлиқлари хизмат автомашинаси билан таъминланади;
- ходимларнинг озиқ-овқат харажатларини қисман қоплаш учун ҳар ойлик компенсация тўлови (энг кам ойлик иш ҳақи миқдорида);
- Меҳнат кодексида белгиланган 6 та байрам ва 4 та чорак якунлари бўйича ойлик иш ҳақи фонди миқдорида мукофот пуллари;
- ходим таътилга чиққанда икки ойлик иш ҳақи фонди миқдорида моддий ёрдам пули;
- ходимга оилавий шароитига кўра ижтимоий муҳофаза қилиш тарзидаги пул маблағи (энг кам ойлик иш ҳақининг 5 баравари миқдорида);
- қишлоқ хўжалиги маҳсулотлари сотиб олиш учун йилда бир маротаба моддий ёрдам (энг кам ойлик иш ҳақининг 10 баравари миқдорида)
- турли хил концерт ва театрларга чипталар ҳамда санаторий ва бошқа даволаш муассасаларига, шунингдек болалар оромгоҳларига йўлланмалар;
- уй-жой шароитларини яхшилашга муҳтож бўлган ходимларга уй-жой сотиб олиш учун беш йилдан кўп бўлмаган муддатга ва энг кам иш ҳақининг минг баробаридан ошмаган миқдорда фоизсиз қарз ажратиш;
- ходимларга уй-жойларни ижарага олганлик (ижарада турганлик) учун компенсация тўлови;
Бундан ташқари:
- мансаб лавозимларида ўсиб бориш;
- илғор хорижий тажрибани ўрганиш мақсадида чет элларга хизмат сафарлари ва стажировкалар.
Танловда иштирок этиш истагини билдирган номзодлар 2018 йил 1 май кунига қадар ўз шахсий варақасини kadr@minjust.gov.uz электрон почтасига тақдим этишлари лозим. Юборилаёган маълумотномада номзоднинг яшаш манзили ва телефон рақамлари тўғрисидаги маълумотлар ҳам экс эттирилиши керак.
Изоҳ (0)