Қорақалпоғистон божхона бошқармаси ходимлари бошқа ҳуқуқни муҳофаза қилувчи идора вакиллари билан ҳамкорликда олинган тезкор маълумотлар асосида Қораўзак туманида тадбир ўтказди. Бу ҳақда «Дарё»га бошқарма ахборот хизмати хабар берди.
Фуқаро Б.К.нинг яшаш хонадони холислар иштирокида кўздан кечирилганда ҳеч қандай тегишли ҳужжатлари бўлмаган 1 дона ов милтиғи, 12 дона 16 калибрли патрон, 4 дона гильза, 80 дона жам, 87 дона пиж, 12 грамм порох, 143 дона дроблар борлиги аниқланди.
Суриштирув-тергов ишлари давомида Б.К. ушбу қурол-яроқлар марҳум отасидан мерос қолганлигини маълум қилди.
Мазкур ҳолат юзасидан ҳуқуқбузарга нисбатан суд томонидан тегишли жазо чоралари қўлланилди.
Изоҳ (0)