Соғлиқни сақлаш ва Ички ишлар вазирлиги қарори билан «Жиноятни содир этишда гумон қилинаётганларни тутиб туриш санитария-гигиена қоидалари»га ўзгариш ва қўшимчалар киритилди. Бу ҳақда Norma хабар бермоқда.
Ҳужжат вақтинчалик тутиб туриш изоляторларини ярим ертўлалар ва цоколь қаватларда жойлаштиришни ман этади. Энди бунга фақат 1 ва 2-қаватларда рухсат берилади.
Шунингдек, изоляторлар тиббий пунктлари (хоналари) учун зарур дори воситалари ва тиббий буюмлар рўйхати қайта кўриб чиқилди. Янги рўйхат 47 та дори ва 13 та тиббий буюм, жами 60 та нарсани ўз ичига олади. Аввалги рўйхат 54 банддан (49 та дори ва 5 та тиббий буюм) иборат эди.
Маълумот учун, вақтинчалик тутиб туриш изоляторлари фақат ИИВ тизимида мавжуд. ДХХ томонидан қўлга олинган шахслар мазкур хизмат тергов изоляторида, ҳарбийлар эса гаупвахталарда сақланади.
Изоҳ (0)