Актау полициячилари тўй кортежларини текшира бошлади. Икки кунлик текширувлар давомида полиция ходимлари олтита кортеж ҳайдовчиларини жаримага тортди, деб ёзади «Nur.kz».
Биринчи тўхтатилган кортежда икки қоидабузар аниқланган. Келин-куёвни олиб кетаётган оқ Mercedes-Benz ҳайдовчиси суғурта полисига эга бўлмаган. Полициячилар автомобилни жарима майдончасига олиб кетган, ҳайдовчига нисбатан 12 025 тенге жарима қўлланилган. Келин-куёвнинг эса бошқа машинага ўтишига тўғри келган.
Шу кортеждаги Toyota Land Cruiser 200 ҳайдовчиси болани автоўриндиқсиз олиб кетаётганлиги аниқланган ва унга ҳам жарима белгиланган.
Полициячилар томонидан текширилган иккинчи тўй кортежида ҳам қоидабузилишлар аниқланган. Mercedes ҳайдовчиси суғурта полисига эга бўлмаган ва камар тақмаган. У жами 24 050 тенге жаримага тортилган, автомобиль жарима майдончасига олиб кетилган.